Birləşmiş Millətlər Təşkilatının (BMT) İnsan Hüquqları üzrə Ali Komissarlığının sözçüsü Təmin Əl-Kitan, Suriyanın devrilmiş lideri Bəşər Əsədin və ağır cinayətlər törətmiş ola biləcək hər kəsin məsuliyyətə cəlb edilməli olduğunu bildirib.
Əl-Kitan və BMT-nin Cenevrə ofisinin kommunikasiya direktoru Alessandra Vellucci BMT-nin Cenevrə ofisinin həftəlik mətbuat konfransında qiymətləndirmələr aparıblar.
Əl-Kitan suala cavab olaraq, "Əlbəttə, Bəşər Əsəd və keçmişdə və indiki dövrdə ağır cinayətlər törətmiş ola biləcək bütün şəxslər beynəlxalq insan haqları hüququ və ədalətli mühakimələrə uyğun olaraq cavab verməlidirlər. Bu, çox ciddi bir hadisədir",-deyə o, qeyd edib.
Suriyada Əsəd rejiminin devrilməsindən təxminən iki həftə sonra yüzlərlə məhbusun həbsxanalardan töküldüyünün görüntülərini gördüklərini ifadə edən Əl-Kitan, “Bəziləri günün işığını görməkdən xoşbəxtlik duyduqlarını ifadə edərkən, bəziləri illərlə işgəncə və qeyri-insani rəftar nəticəsində yaşadıqları şoka görə heç bir şəkildə özünü ifadə edə bilmir",-deyə vurğulayıb.
