Şimali Koreya Rusiyaya 170 mm-lik haubitsalar tədarük edir, əvəzində isə Rusiya nüvə sualtı qayıqlarının texnologiyalarını Pxenyanla bölüşür.
Musavat.com xəbər verir ki, “Forbes” nəşrində analitik Devid Aks tərəfindən yayımlanan məqalədə aşağıdakı məqamlar vurğulanır:
-
Pxenyan Rusiyaya M1989 model haubitsalar göndərir. Bu haubitsalar nadir 170 mm-lik mərmilərlə atəş açır və bu mərmilər yalnız Şimali Koreyada istehsal olunur. Bu da Rusiyanın Şimali Koreyadan artan hərbi asılılığını göstərir.
-
Moskva çox güman ki, Pxenyanla sualtı qayıq və raket texnologiyasını paylaşır. Bu əməkdaşlıq Şimali Koreyanın ballistik raketlərlə təchiz edilmiş nüvə sualtı qayıqlarını daha tez bir zamanda yaratmasını mümkün edə bilər.
-
Rusiyanın Şimali Koreyadan asılılığı artmaqdadır. Pxenyanın silah tədarükünü istənilən vaxt dayandırmaq ehtimalı, Moskvanın artilleriyasını daha həssas vəziyyətə salır.
-
Ukrayna müharibəsi zamanı Rusiya təxminən 800 özüyeriyən artilleriya qurğusunu itirib. Bundan əlavə, köhnə silah ehtiyatlarının əhəmiyyətli dərəcədə tükəndiyi bildirilir.
Bu əməkdaşlıq, iki ölkənin hərbi-strateji sahədə bir-birinə qarşılıqlı ehtiyacını gücləndirir və beynəlxalq arenada ciddi suallar yaradır.
Musavat.com
