Ukrayna Tatarıstanın paytaxtı Kazan şəhərində elit yaşayış binasına PUA zərbəsi endirib.
Azpost.info bildirir ki, hHadisə şahidlərinin verdiyi məlumata görə, pilotsuz təyyarə Kazanda 37 mərtəbəli binaya çırpılıb. Yanğın başlayıb. “Azure Skies” Vzletnaya və Patris Lumumba küçələrinin kəsişməsində yerləşən premium yaşayış kompleksidir.
Kazanda “Azure Skies” hündürmərtəbəli yaşayış binasında yanğın səhər saat 8 radələrində başlayıb. Sakinlər təxliyə edilib. Ətrafda nəqliyyatın hərəkəti kəsilib.
Müdafiə Nazirliyi səhər saatlarında hava hücumundan müdafiə sistemlərinin Tatarıstan səmasında Ukraynaya məxsus pilotsuz təyyarəni məhv etdiyini bildirib.
Hadisə şahidlərinin bizə verdiyi məlumata görə, ikinci pilotsuz təyyarə Kazanda çoxmərtəbəli yaşayış binasına hücum edib, insanlar hələ də oradan təxliyə edilir. İlkin məlumata görə, 15 mərtəbədəki mənzillərə ziyan dəyib. Şahidlər üçüncü partlayışın baş verdiyini bildirirlər.
