Futbol üzrə Azərbaycan Premyer Liqasının 18-ci turu çərçivəsində keçiriləcək “Qarabağ” – “Araz-Naxçıvan” matçının biletləri satışa çıxarılıb.
Arena.az bu barədə Ağdam klubunun mətbuat xidmətinə istinadən xəbər verir.
Xəbərdə bildirilir ki, sözügedən oyunun biletləri bu gün saat 12:00-dan etibarən satışdadır. Qiymətlər sektorlara uyğun olaraq dəyişir. Biletlərin qiyməti 3, 7 və 15 manat aralığındadır.
Biletlər bu gündən etibarən iTicket.az-da onlayn, oyun günü isə həm iTicket.az-da onlayn, həm də Tofiq Bəhramov adına Respublika stadionunun kassalarında satışda olacaq.
Xəbərdə o da qeyd olunur ki, qapılar azarkeşlər üçün matçın start fitindən 120 dəqiqə əvvəl açılacaq.
“Qarabağ” – “Araz-Naxçıvan” matçı sabah Tofiq Bəhramov adına Respublika stadionunda keçiriləcək. Oyuna saat 16:30-da start veriləcək.
