Azərbaycana qış fəsli daxil olub.
Adalet.az Elm və Təhsil Nazirliyi Nəsirəddin Tusi adına Şamaxı Astrofizika Rəsədxanasına istinadla xəbər verir ki, qış fəsli (Qış günəş duruşu) Azərbaycana bu gün - dekabrın 21-i saat 13:20:30-da daxil olub.
Bu zaman Yerin fırlanma oxu Günəş istiqaməti ilə ən böyük bucaq əmələ gətirir və ya Günəş həmin gün günorta üfüqdən minimum hündürlükdə (26⁰.2) olur. Şimal yarımkürəsində qış, cənub yarımkürəsində isə yay fəsli başlayır.
Həmin gün ən qısa gündüz (gündüzün uzunluğu 9 saat 17 dəq. 22 san) və ən uzun gecə (gecənin uzunluğu isə 14 saat 42 dəqiqə 38 saniyə) olur.
Fəslin uzunluğu 88 gün 23 saat 40 dəqiqə 55 saniyə olacaq.
