Fransa çempionu PSJ bu mövsüm Türkiyənin “Qalatasaray”ında icarə əsasında çıxış edən İtaliyanın “Napoli” klubunun hücumçusu Viktor Osimeni transfer etmək istəyir.
Yeniavaz.com xəbər verir ki, bu barədə “RMC Sport” məlumat yayıb.
Bildirilib ki, Paris klubu artıq 25 yaşlı nigeriyalının menecerləri ilə danışıqlara başlayıb.
PSJ transferi qış transfer pəncərəsi zamanı, yanvarda həyata keçirmək istəyir.
Qeyd edək ki, “Transfermarkt” portalı Viktor Osimenin transfer dəyərini 75 milyon avro qiymətləndirir.
