Əsl adı Ninos Xuri olan isveçli reper GABORO güllələnib.
Musavat.com xəbər verir ki, hadisə ilə bağlı "Daily Mail" nəşri məlumat yayıb.
Nəşr yazır ki, o, İsveçdə avtomobil dayanacağına güllələnərək öldürülüb.
Sosial şəbəkələrdə isə 24 yaşlı GABORO-nun qətli ilə bağlı video yayılıb. Videolarda üzünü göstərməyən və maskaları ilə tanınan GABORO-nun necə öldürüldüyü görüntülənib. Videoda GABORO-nun qaçmağa çalışdığı, lakin naməlum şəxsin ona atəş açdığı görünür.
Reper dərhal xəstəxanaya çatdırılsa da, aldığı güllə yarası ilə həyatını itirib. Qatil hadisə yerindən qaçıb. Hazırda hüquq-mühafizə orqanları reperi güllələyən şəxsi axtarır.
Qeyd edək ki, altı ay əvvəl İsveçin Göteborq şəhərində başqa bir reper C.Gambino da avtomobil dayanacağında güllələnib.
Musavat.com
