"Real Madrid"in yarịmmüdafiəçisi Daniel Sebalyos karyerasını İtaliya nəhəngində davam etdirə bilər.
Fanat.Az xəbər verir ki, informasiyanı şəxsi "X" hesabı üzərindən tanınmış insayder Ekrem Konur yayıb.
Xəbərə görə, 28 yaşlı futbolçunun xidmətində "Yuventus" maraqlıdır. Mənbə sözügedən oyunçunu "Atletiko Madrid", "Real Sosyedad" və "Betis"in də diqqətdə saxladığını vurğulayıb.
Qeyd edək ki, cari mövsüm bütün turnirlərdə 14 matça çıxan Sebalyos məhsuldar göstəricilərlə yadda qalmayıb. Onun paytaxt klubu ilə müqaviləsinin müddəti 2027-ci ilin yayınadək nəzərdə tutulub.
