İsrail nümayəndə heyəti Dohada Qətər vasitəçiləri ilə Qəzza zolağında atəşkəs rejiminin tətbiqi və Fələstinin HAMAS hərəkatının orada saxladığı girovların azad edilməsinə dair sazişin bağlanması yollarını müzakirə edir.
APA xəbər verir ki, bu barədə mənbəyə istinadən “Al Arabiya” telekanalı məlumat yayıb.
"İsrail danışıqlar heyəti Qəzza ilə bağlı razılığa gəlməyin yolunu tapmaq üçün Dohadadır" - kanalın adının açıqlanmasını istəməyən həmsöhbəti bildirir. Onun sözlərinə görə, İsrail tərəfi “zəif şanslara” baxmayaraq, HAMAS-la müqavilə bağlamaq üçün “ümid görür”.
