Ağstafada inşa edilən musiqi mərkəzi 8 il öncə istifadəyə verilib.
Xezerxeber.az xəbər verir ki, 300 şagird yerlik, 3 mərtəbəli təhsil ocağının binası füsunkar gözəlliyi və qeyri-adi memarlıq üslublu inşası ilə həmişə diqqət çəkib. Lakin görünüşü ilə əvvəllər yaxşı mənada insanları heyrətləndirirdisə, indi təhlükəli görkəmi ilə görənləri təəccübləndirir.
Rayon sakinləri musiqi mərkəzində artıq bir neçə ilə yaxındır ki, bu cür vəziyyətin yarandığını deyirlər. Binanın üz örtük hissələri böyük bir sahədə qopub yerə düşüb.
Görkəmi də getdikcə itən binanın yaxınlığından indi insanlar qorxaraq keçirlər. Bu yaxınlarda baş verən güclü küləkdən sonra binanın fasadı bir qədər də uçub. Üç mərtəbəli musiqi mərkəzinin sonuncu qatı daha çox bərbad vəziyyətə düşüb. Xor zalı, kitabxanası, qrup və məşğələ otaqları olan mərkəzi regionda ən böyük müsiqi məktəbi sayılır.
Xezerxeber.az mövzu ilə bağlı daha ətraflı videomaterialı təqdim edir.
