“Mançester Yunayted”in baş məşqçisi Ruben Amorim klub rəhbərliyinə 2025-ci ildə alınmasının gərək olduğu, “komandanın taleyini dəyişə biləcək” üç futbolçunun siyahısını təqdim edib.
Sportinfo.az xarici KİV-ə istinadən xəbər verir ki, portuqaliyalı mütəxəssis bu siyahıya cari mövsümün sonuna kimi “Qalatasaray”da icarəyə olacaq “Napoli”nin hücumçusu Viktor Osimhen, “Barselona”nın mərkəz müdafiəçisi Ronald Arauxo və “Sauthempton”un cinah oyunçusu Tayler Diblinqi daxil edib.
Bu oyunçuların hər üçünün alınmasının “Mançester Yunayted”ə 200 milyon avroya başa gələ biləcəyi vurğulanır.
