Bu gün futbol üzrə İspaniya çempionatında (La Liqa) 2024/2025-ci illər mövsümünün 18-ci turunun oyunlarına yekun vurulub.
Arena.az xəbər verir ki, 2024-cü ilin sonuncu turunun sonuncu oyun günündə beş qarşılaşma baş tutub.
Dörd qolun qeydə alındığı “Valensiya” – “Alaves” matçında qalib müəyyənləşməyib. “Betis” – “Rayo Valyekano” görüşündə də tərəflər hərəyə 1 qol və 1 xalla kifayətləniblər.
“Las Palmas” “Espanyol”la ev oyununda 3 xalı tək qolla qazanıb. Yeddi qolun vurulduğu “Leqanes” – “Vilyarreal” görüşündə isə qonaqlar darmadağına seviniblər.
Son çempion “Real” da “Sevilya”nı qəbul edib. Altı qolun qeydə alındığı görüşdə inamlı qələbəyə sevinən paytaxt klubu liderlər qrupundakı mövqeyini daha da yaxşılaşdırıb.
Beləliklə, 18 turdan sonra 41 xala malik “Atletiko” vahid liderdir. “Real” 40 xalla ikinci, “Barselona” 38 xalla üçüncüdür. “Atletik” 36, “Vilyarreal” və “Malyorka” 30 xal toplayıblar.
İspaniya, La Liqa
18-ci tur
20 dekabr
Jirona – Valyadolid 3:0
Qollar: D.Lopes, 31. A.Ruis, 39. Danjuma, 81.
21 dekabr
Xetafe – Malyorka 0:1
Qol: Larin, 53-pen.
Selta – Real Sosyedad 2:0
Qollar: P.Duran, 40; 45+1.
Osasuna – Atletik 1:2
Qollar: Torro, 25 – Quruseta, 31. Berencer, 74.
Barselona – Atletiko 1:2
Qollar: Pedri, 30. De Paul, 60. Sörlot, 90+6.
22 dekabr
Valensiya – Alaves 2:2
Qollar: Rioxa, 70-pen. D.Qomes, 90+8 – K.Martin, 7. C.Cordan, 88-pen.
Real – Sevilya 4:2
Qollar: Mappe, 10. Valverde, 20. Rodriqo, 34. B.Dias, 53 – İ.Romero, 35. Lukebakio, 85.
Las Palmas – Espanyol 1:0
Qol: S.Ramires, 67.
Leqanes – Vilyarreal 2:5
Qollar: Sisse, 7. Raba, 33-pen – Barri, 16; 45+2; 65. X.Moreno, 90+2. Kanaes, 90+8.
Betis – Rayo Valyekano 1:1
Qollar: İsko, 37-pen – Palason, 51.
