Rusiyanın məşhur repçisi və iş adamı Timati (Timur İldaroviç Yunusov) paylaşımı ilə dilə - dişə düşüb.
OLAY yazır ki, 41 yaşlı sənətçi sıldırım qayalıqda yerləşən tualetin videosunu “Mənim ideal tətilim həyat yoldaşımın gözü ilə necə görünür” şərhi ilə sosial şəbəkə hesabında yayımlayıb.
İzləyicilər bu paylaşımdan sonra Timatinin uzun müddətdir eşq yaşadığı model Valentina İvanova ilə evləndiyini yazıb.
Söz-söhbətin çoxaldığını görən Timati “Super” nəşrinə sözügedən məsələni belə şərh edib:
“Mən sadəcə videoda olan mətni ingiliscədən rus dilinə tərcümə etmişəm”.
Qeyd edək ki, Timatinin artıq iki övladı var - 28 yaşlı Anastasiya Reşetovadan oğlu Ratmir və 32 yaşlı Alena Şişkovadan qızı Alisa. Eyni zamanda, repçi nə Alena, nə də Anastasiya ilə evli olmayıb.
