Hərbi-siyasi şərhçi Oleksandr Kovalenko İspaniyanın El Pais qəzetinin ABŞ-ın yeni seçilmiş prezidenti Donald Trampın Ukrayna prezidenti Volodimir Zelenskiyə Rusiya tərəfindən işğal olunmuş ərazilərdən imtina etmək barədə düşünməsi üçün mesaj göndərdiyi qənaətinə gələn məqaləni şərh edib...
Poliqon xəbər verir ki, ekspertin fikrincə, Tramp deyərkən tamam başqa şeyə işarə edib.
Onun sözlərinə görə, Trampın bəyanatları Ukraynanın müharibədən sonra yenidənqurma prosesinə dair maraqlı siqnallar verib. O, şəhərlərin hazırkı vəziyyətini nəzərdə tutaraq qeyd edib:
"Öz torpaqlarını geri qaytarmaq istədiklərini söyləmək yaxşıdır, amma şəhərlərin çoxu əsasən dağılıb. Bu şəhərlərə baxın, orada bütöv bina qalmayıb. Beləliklə, ölkəni geri qaytarmaq deyəndə nəyi nəzərdə tutursunuz? Bu, 110 illik bir yenidənqurma deməkdir".
Kovalenkonun sözlərinə görə, Tramp bu ifadələrdə ABŞ-ın köməyi ilə Ukraynanın müharibədə qələbə çalacağını və Amerika tikinti şirkətlərinin daima yenidənqurma işlərində prioritet hüquqlara malik olacağını dolayısı ilə vurğulayıb.
"Donbasın bərpası üçün 100 illik biznes müqaviləsi. Burada nə pislik var? Siz Donbası udmurt memarlarına, yoxsa Texasdan olan memarlara etibar etmək istəyirsiniz? Təəssüf ki, hamının görmədiyi incə eyhamları məhz indi ABŞ-ın 47-ci prezidenti olan iş adamı göndərir", deyə o bildirib.
El Pais qəzetində qeyd olunub ki, Tramp Zelenskiyə "atəşkəs haqqında düşünməyə və Rusiya tərəfindən zəbt olunmuş bütün ərazilərdən imtinaya" dair mesaj göndərib. Lakin Avropadakı bir neçə mənbə, anonim qalmaq şərti ilə, Trampın siqnallarının mənfi məzmun daşımadığını vurğulayıb.
Poliqon.info
