YAP-çı millət vəkili Anar Məmmədov Goranboy rayonunda növbəti dəfə vətəndaşları qəbul edib. Goranboy rayonu Xan Qərvənd kəndində keçirilən qəbulda şəhid ailələrinin üzvləri, rayon ağsaqqalları və ziyalıları iştirak edib.
“Qafqazinfo” xəbər verir ki, şəhid ailələri və qazilər növbədənkənar qəbul edilib, onların problemlərinə həssaslıqla yanaşılıb.
Qəbula gələn vətəndaşlar əsasən işlə təmin olunma, sosial yardım, işıq xətlərinin çəkilişi və digər məsələlərlə bağlı müraciət ediblər. Onların müraciətləri Anar Məmmədov tərəfindən diqqətlə dinlənilib, millət vəkilinin səlahiyyətlərinə aid müraciətlər qanun çərçivəsində həll olunub, digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.
Qəbulda vətəndaşlar ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
