19 dekabr tarixində Sevinc Mall-un açılışı baş tutdu - FOTO
Qara Qarayev metrosundan beş dəqiqəlik piyada məsafədə, Tofiq Abbasov 5 küçəsində yerləşən Sevinc mall fəaliyyətə başladı. Burada müxtəlif geyim mağazaları, kafe və restoranlar, uşaq əyləncəsi, batut, kinoteatr müştərilərin xidmətinə verilmişdir. Calista, Olivia Beauty&Care, Joma, Miniso, Second Cup, McDonalds, CTR Chicken, Two Bros. Pizza, Happy Land uşaq əyləncə mərkəzi və batut meydançası, Park Cinema kimi brendlərin yer aldığı mall-da müxtəlif yaş qruplarının maraqları nəzərə alınmışdır. İlk dəfədir ki, şəhərin mərkəzindən kənarda, müasir tcarət mərkəzi konsepsiyasında, tələb olunan brend miks, buraya üz tutan müştərilər və çalışanların rahatlığı nəzərə alınmaqla inkişaf etdirilən Sevinc Mall-un açılışı bu hissədə infrastrukturun inkişafına da yol açır. Artıq Həzi Aslanov metro stansiyasından başlamış Qara Qarayevə qədər olan ərazilərin sakinlərinə şəhərin mərkəzinə üz tutmadan, yola əlavə vaxt sərf etmədən, tıxaclara düşmədən öz asudə vaxtlarını keçirmək, ehtiyac və maraqlarını qarşılamaq üçün fürsətlər yaranır. Sevinc Mall vaxtilə Bakı sakinlərinin çox yaxşı bələd olduğu Sevinc kinoteatrının yerləşdiyi ərazidə inşa edilmişdir. Köhnə kinoteatrın fəaliyyətinin uzun müddət öncə dayandırılmasına baxmayaraq ərazi hələ də Sevinc kinoteatrı kimi tanınmağa davam etmiş və sakinlər tərəfindən park kimi xoş vaxt keçirmək üçün istifadə edilmişdir. Burada məktəblidən tutmuş, körpəli valideyn, təqaüdçüyə qədər hər bir yaşın nümayəndəsinə rast gəlmək mümkün idi. Onlar burada dincəlir, gəzir, bir sözlə xoş vaxt keçirirdilər. Sevinc Mall-un məhz burada inşa edilməsinə qərar verilməsi sakinlərin əraziyə olan sevgisi, onların burada keçirdiyi xoş vaxtı və ünsiyyəti oldu. Onların vaxtını və ünsiyyətini daha maraqlı etmək üçün nələr edilə biləcəyi düşünüldüyündə bunun sakinlərə istirahət üçün geniş təkliflər verəcək rahat və xudmani Mall ola biləcəyi fikri yarandı. Kinoteatrın önündəki ərazinin gəzinti üçün istifadə edildiyi və çox sevildiyi nəzərə alınaraq həmin ərazi yenə də gəzinti və Sevinc Mall-un gələcəkdə təklif edəcəyi fəaliyyətlər üçün olduğu kimi saxlanılmışdır. Sevinc Mall-da baş verən yeniliklər, açılan mağazalar haqqında www.sevincmall.az veb səhifəsində tanış olmaq olar. 
Reklam hüququnda
