Dekabrın 19-u “Hilton Garden Inn Baku” hotelinin rəsmi açılış tədbiri baş tutub.
“Hilton Garden Inn Baku” “Tabia Group” portfelinə daxil olan yüksəksəviyyəli beynəlxalq hotel brendidir.
Bu brendin “Tabia Group” daxilində ölkəmizdə fəaliyyətə başlaması qupun üstünsəviyyəli qonaqpərvərlik təcrübəsini əlçatan etməyə sadiqliyinin sübutudur.
Otel Sarabski küçəsi 657 ünvanında yerləşir. “Hilton Garden Inn Baku” Heydər Əliyev adına Beynəlxalq Hava Limanından 24 kilometr aralıqdadır.
Əlavə olaraq hotel Dədə Qorqud parkı, Heydər Əliyev Mərkəzi, Bakı Konqres Mərkəzi, Zoologiya parkı, “28 Mall” və “Gənclik Mall” kimi mühüm istirahət, əyləncə və biznes mərkəzlərinə yaxın məsafədə yerləşir.
12 mərtəbəli, 195 otaqlı hotel, yüksək keyfiyyətdə xidmət göstərən restoran, bar və fitness mərkəzi ilə təchiz olunub. Hoteldə müasir konfrans otaqları və çoxfunksiyalı tədbir məkanlarına da yer verilib.
“Hilton Garden Inn Baku”nun baş meneceri Erhan Gürsel bildirib: “Hotelimiz həm işgüzar mütəxəssislərə, həm də istirahət üçün səfər edən qonaqlara xidmət etməyi nəzərdə tutur. Bu gün şəhərimizin mühim istirahət, mədəniyyət və biznes mərkəzləri yaxınlığında yerləşən hotelimizin qapılarını ilk qonaqlarına açdığımız üçün dərin sevinc hissi duyuruq”.
Rahatlıq və yüksəksəviyyəli xidmət sintezini təklif edən “Hilton Garden Inn Baku”nu təqdim etməkdən məmnunuq.
