Futbol üzrə Azərbaycan çempionatının (Premyer Liqa) 2024/2025-ci illər mövsümünün ilk yarısında 90 oyun keçirilib.
Arena.az xəbər verir ki, bu matçlarda 144 min 355 tamaşaçı qeydə alınıb.
Orta göstərici 1604-ə bərabər olub.
İlk 18 turun rekordu 10-cu turun “Neftçi” – “Qarabağ” matçında gerçəkləşib. “Neftçi Arena”ya 7069 seyrçi toplaşıb. Antirekord isə 11-ci turun “Araz-Naxçıvan” – “Zirə” görüşünə məxsusdur – 80 tamaşaçı.
Klubların ev oyunlarındakı orta göstəricidə “Turan Tovuz” böyük üstünlüyə malikdir. “Neftçi” ikinci, “Sumqayıt” üçüncüdür. Bu üç komanda ümumi orta göstəricidən yüksək nəticəyə sahibdir.
Premyer Liqa klublarının cari mövsümdəki azarkeş göstəriciləri belədir:
| yer | komanda | oyun | tamaşaçı | Orta |
| 1 | Turan Tovuz | 9 | 39700 | 4411 |
| 2 | Neftçi | 9 | 21931 | 2437 |
| 3 | Sumqayıt | 9 | 21450 | 2383 |
| 4 | Qarabağ | 9 | 13820 | 1536 |
| 5 | Sabah | 9 | 12904 | 1434 |
| 6 | Şamaxı | 9 | 9800 | 1089 |
| 7 | Kəpəz | 9 | 9650 | 1072 |
| 8 | Səbail | 9 | 6500 | 722 |
| 9 | Zirə | 9 | 6400 | 711 |
| 10 | Araz-Naxçıvan | 9 | 2200 | 244 |
| Cəmi | 90 | 144355 | 1604 |
