ABŞ-nin Nyu-York şəhərində metro stansiyasında dəhşətli hadisə baş verib.
Milli.Az xarici mediaya istinadən xəbər verir ki, "Coney Island-Stillwell Avenue" metro stansiyasında yatan qadın naməlum şəxs tərəfindən yandırılıb.
Ağır xəsarət alan qadın hadisə yerində dünyasını dəyişib.
Polisin verdiyi məlumata görə, şübhəlinin kişi olduğu müəyyən edilsə də, onun şəxsiyyəti hələlik açıqlanmayıb. Hadisədən sonra metro stansiyası təhlükəsizlik lenti ilə bağlanıb və genişmiqyaslı araşdırmalara başlanılıb.
Bu dəhşətli hadisə Nyu-York şəhəri sakinləri arasında böyük narahatlıq yaradıb. Nyu-York polisi hadisənin motivlərini araşdırmağa davam edir və şübhəlinin tapılması üçün axtarışları intensivləşdirib.
Fidan
Milli.Az
Məqaləyə dair fotomateriallar:
.png)
