1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Sumqayıtda şirkət avtomobilinə basqın edərək külli miqdarda pul aparan daha bir nəfər polis tərəfindən saxlanılıb.
Oxu.Az-ın əldə etdiyi məlumata görə, saxlanılan şəxs 1981-ci il təvəllüdlü Sumqayıt şəhər sakini Namiq Məhəmməd oğlu Pirməmmədovdur.
O, "Linkoil" MMC-nin əməkdaşı Şahin Şirinovun idarə etdiyi "Chevrolet" markalı avtomobildən 127 298 manat pulu açıq talama yolu ilə aparıb. Quldurluğa məruz qalan avtomobilin "Linkoil" MMC-yə məxsus olduğu bildirilir.
N.Pirməmmədovun əvvəllər Cinayət Məcəlləsinin 127, 128 və 221-ci maddələrinə əsasən məhkum olunması da məlum olub.
Xatırladaq ki, daha əvvəl quldurluqda iştirak etmiş 38 yaşlı Ruhid Fərəcov və 36 yaşlı Samir Qasımov da saxlanılıblar.
Əzizə İsmayılova
