Futbol üzrə Azərbaycan Premyer Liqasında mübarizə aparan “Zirə”nin qış təlim-məşq toplanışının proqramı məlum olub.
Arena.az xəbər verir ki, bu barədə paytaxt klubunun mətbuat xidməti məlumat yayıb.
Rəşad Sadıqovun çalışdırdığı komanda yanvarın 2-də bir araya gələcək. Hazırlığını Bakıda keçəcək “qartallar” toplanış müddətində 2 yoxlama oyunu keçirməyi planlaşdırıblar. Komanda yanvarın 9-da “Şamaxı”, 12-də isə “Qarabağ”la qarşılaşacaq.
Xatırladaq ki, “Zirə” Azərbaycan Premyer Liqasında qış fasiləsinə 30 xalla 4-cü pillədə yollanıb.
