Qədim Mars vulkanlarında su və yadplanetli həyatın izlərinin axtarışına dair ipucları ola bilər.
Bu fərziyyə London İmperial Kollecinin britaniyalı tədqiqatçıları tərəfindən irəli sürülüb.
“Cebheinfo.az” xəbər verir ki, tapıntı “Journal of Geophysical Research: Planets” (JRGP) jurnalında dərc olunub.
İpucu kimi vulkanik kül
Mütəxəssislər ən yaxın vulkandan minlərlə kilometr uzaqlığa daşınan vulkanik kül qalıqlarını təmsil edən qeyri-adi qayalar aşkarlayıblar. Bu, keçmişdə planetin atmosferinə kül səpən güclü püskürmələrə işarə edir.
Tədqiqatçılar təklif edirlər ki, tünd qayaların təbəqələri onların altındakı minerallarla zəngin süxurları qoruyub saxlayaraq təbii qalxan rolunu oynaya bilər. Bu mineral təbəqələr qədim suyun əlamətlərini və mikrob həyatının izlərini qorumaq potensialına malikdir.
Tədqiq etmək üçün yeni obyekt
Alimlər gələcək ExoMars missiyası üçün mühüm tədqiqat sahəsi olacaq Oxia Planum bölgəsini müəyyən ediblər. 2028-ci ildə Rosalind Franklin rover onun mineraloji tərkibini öyrənmək üçün bu məkana gedəcək.
Roverin özü kobud, tünd qaya üzərində hərəkət edə bilməyəcəyinə baxmayaraq, elm adamları onun vulkanik yataqların kənarları boyunca mineral yataqlarını araşdıra biləcəyinə əmindirlər.
Əgər fərziyyə təsdiqlənərsə, Mars vulkanları su izlərinin və mümkün mikroorqanizmlərin axtarışı üçün əsas nöqtələrə çevrilə bilər.
