"Amerika hərbçiləri Suriyada olmamalıdır. Hərbçilərimiz oradakı münaqişədə iştirak etməməlidir".
Ölkə.Az xəbər verir ki, bu barədə ABŞ-ın yeni seçilmiş prezidenti Donald Trampın gələcək milli təhlükəsizlik müşaviri Mayk Uols məlumat verib.
Prezident Trampın tamamilə haqlı olduğunu qeyd edən Uols əlavə edib ki, böyük əksəriyyətin səsini qazanması məhz ABŞ-ın Yaxın Şərq münaqişəsindən uzaq durması barədə səsləndirdiyi fikirlərlə bağlı olub.
“Bizi Yaxın Şərq müharibələrinə sürükləməyin. Biz amerikalı hərbçilərin hansısa formada Suriya ərazisində olmasını istəmirik", - o qeyd edib.
ABŞ hərbi qüvvələri Suriyanın şərqində və şimal-şərqində neft yataqları yaxınlığındakı bazalarda yerləşdirilib.
Mürtəza
Ölkə.Az
