London "Arsenal"ı Bukayo Sakanı itirib.
Fanat.Az xəbər verir ki, məlumatı “The Times” yayıb.
Mənbənin məlumatına görə, ingilis futbolçu bud nahiyəsindən aldığı zədə səbəbindən 4-6 həftə “topçular”ın heyətindən kənarda qalacaq. Klub hələlik bununla bağlı rəsmi məlumat yaymayıb.
Saka "Kristal Pelas" - "Arsenal" matçının ilk yarısında zədələnib. Qarşılaşma iki gün əvvəl baş tutub və "Arsenal"ın qələbəsi ilə yekunlaşıb - 5:1.
Saka “Arsenal”ın ulduz futbolçularından olmaqla yanaşı, Premyer Liqanın da ən bahalı oyunçularından biridir.
O, bu mövsüm bütün turnirlərdə 24 matça çıxaraq 9 qol vurub və 13 məhsuldar ötürmə edib.
Mirağa
