"İsrailin Suriyaya qarşı hücumları bu ölkədə baş tutan inqilaba kölgə salma məqsədi daşıyır".
Senzor.az yerli KİV-ə istinadən bildirir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra xalqa müraciətində deyib.
Prezident qeyd edib ki, İsrail tez və ya gec işğal etdiyi ərazilərdən geri çəkilmək məcburiyyətində qalacaq.
Ərdoğan Suriyanın ərazi bütövlüyünün və suverenliyinin Türkiyə üçün önəmli olduğunu vurğulayıb.
Türkiyə lideri qonşu və bölgə ölkələrini Suriyanın bərpasına yardım etməyə də çağırıb.
