Balakən, 24 dekabr, Mustafa Dadaşov, AZƏRTAC
“Yaşıl dünya naminə həmrəylik ili” çərçivəsində Balakən rayonunda ağacəkmə aksiyaları davam etdirilir. Aksiya çərçivəsində payız mövsümündə rayon ərazisində yaşıllıqların artırılması məqsədilə 9176 ədəd həmişəyaşıl şam ağacı əkilib.
Bu barədə AZƏRTAC-ın bölgə müxbirinə Balakən Rayon İcra Hakimiyyətindən məlumat verilib.
Bildirilib ki, keçirilən son iməcilikdə Yevlax-Zaqatala-Gürcüstan dövlət sərhədi avtomobil yolunun Katex kəndindən keçən hissəsində 160 ədəd həmişəyaşıl şam ağacı əkilib. Yeni əkilən ağaclara aqrotexniki qaydada qulluq göstərilib.
