ABŞ-ın Florida ştatında qayıqda partlayış baş verib, 1 nəfər ölüb, 5 nəfər xəstəxanaya yerləşdirilib. SİA xarici KİV-ə istinadən xəbər verir ki, ABŞ-ın Florida ştatındakı Fort Lauderdeyl şəhərində estakada lövbər salan qayıqda partlayış baş verib. Partlayışdan sonra qayıq alovlanıb. Yanğın başqa qayığa da keçib. Yanğınsöndürmə idarəsindən verilən açıqlamada 1 nəfərin öldüyü, 5 nəfərin xəstəxanaya yerləşdirildiyi bildirilib.
Partlayışın səbəbləri ilə bağlı araşdırmalar davam edir.
