Rəqəmsal İnkişaf Nazirliyi və Roskomnadzor bu funksiyadan fırıldaqçılar tərəfindən istifadə edildiyinə görə messencerlərdə zənglərə qadağa qoyulmasını müzakirə edir. Bu barədə “Kommersant” telekommunikasiya operatorlarındakı iki mənbəyə və bazardakı həmsöhbətinə istinadən məlumat yayıb.
İki variant nəzərdən keçirilir: yalnız xaricdən gələn zənglərin bloklanması və ya messencerlər vasitəsilə edilən zənglərə tam qadağa qoyulması.
Eyni zamanda, bazar həmsöhbəti qeyd edir ki, "instant messencerlərdə səsli zənglər yalnız Roskomnadzor səviyyəsində bloklana bilər, bu operatorlar üçün sual deyil".
Rəqəmsal İnkişaf Nazirliyi, hələ ki, "instant messengerlərdə səs trafikini məhdudlaşdıracaq qaydalar hazırlamadığını" bildirib. Roskomnadzor xəbəri şərh etməyib.
“Megafon”-un məlumatına görə, messencerlərdə saxta zənglərin payı təxminən 40% təşkil edir. Üç il əvvəl bu rəqəm 1%-dən də az idi. Telekommunikasiya operatorlarının messencerlərdəki zəngləri təhlil etmək və onların mənşə ölkəsini müəyyən etmək üçün texniki imkanları yoxdur.
Bundan əvvəl Rusiyada əsasən ölkənin yaşlı sakinlərinin istifadə etdiyi “Viber” messencerinin fəaliyyəti bloklanıb. Mütəxəssislər bloklamanın yad şəxslərin telefonlarına zəng etməyə imkan verən messencer funksiyası ilə bağlı ola biləcəyini təklif ediblər.
Almaz Həsənli
