İtaliya miqrasiya axınını azaltmaq üçün həllər tapmağa çalışır

Bakı, TurkicWorld

İtaliya hökuməti Avropaya qeyri-qanuni miqrasiya axınını azaltmaq üçün yeni həllər tapmaq məqsədilə Avropa İttifaqındakı tərəfdaşları ilə əməkdaşlığı davam etdirmək niyyətindədir.

TurkicWorld xəbər verir ki, Bu barədə Baş nazir Corciya Meloninin ofisindən dünən keçirilən nazirlər görüşündən sonra məlumat verilib.

İtaliyanın mübahisəli planlarından biri Albaniyada sığınacaq axtaranlar üçün həbs mərkəzlərinin tikilməsini nəzərdə tutur. Sağçı hökumətin ötən il Albaniyanın Baş naziri Edi Rama ilə razılaşması çərçivəsində, dənizdə xilas edilən bəzi miqrantların Albaniyaya köçürülməsi planlaşdırılmışdı. Lakin bu təşəbbüs son aylarda məhkəmə ilə üzləşib, çünki məsələnin Aİ qanunlarına uyğunluğu şübhə altındadır.

Plan yalnız təhlükəsiz ölkələrdən olan insanların Albaniyaya göndərilməsini nəzərdə tutur. Sığınacaq müraciətlərinə sürətli şəkildə baxıldıqdan sonraisə, rədd edilənlər öz ölkələrinə deportasiya olunacaqlar.

Hökumətin açıqlamasında vurğulanıb ki, İtaliya miqrasiya problemlərinə qarşı daha geniş Avropa həllərinin bir hissəsi olmaqda qərarlıdır. Albaniya ilə əməkdaşlıq, Afrikadan gələn miqrasiya axınını idarə etmək üçün bu strategiyanın mühüm hissəsi kimi təqdim olunur.