Cəlilabad, 24 dekabr, İlkin Adıyev, AZƏRTAC
Cəlilabad rayonunda oteldə yanğın baş verib.
AZƏRTAC-ın bölgə müxbiri xəbər verir ki, yanğın hadisəsi şəhər ərazisində yerləşən otellərdən birində qeydə alınıb. Hadisənin səbəbi hələlik məlum deyil.
Hadisə yerinə Fövqəladə Hallar Nazirliyinin müvafiq qüvvələri cəlb olunub və hazırda yanğının söndürülməsi üçün tədbirlər görülür.
Yanğının miqyası və dəymiş ziyan barədə hələlik məlumat yoxdur. Faktla bağlı araşdırma aparılır.
