Cəlilabadda hoteldə baş verən yanğın söndürülüb.
Bu barədə "Report"un sorğusuna cavab olaraq Fövqəladə Hallar Nazirliyindən məlumat verilib.
Bildirilib ki, rayon ərazisində fəaliyyət göstərməyən ikimərtəbəli hotelin ikinci mərtəbəsində bir otaqda yanğın qeydə alınıb:
"Yanğın Fövqəladə Hallar Nazirliyinin yanğınsöndürənləri tərəfindən qısa müddətdə söndürülüb və ətrafa yayılmasının qarşısı alınıb".
16:08
Cəlilabad rayonunda yanğın hadisəsi baş verib.
Moderator.az "Report"a istinadla xəbər verir ki, hadisə şəhər ərazisində yerləşən hotellərdən birində qeydə alınıb.
Hadisə yerinə Cəlilabad rayon yanğından mühafizə hissəsinin əməkdaşları cəlb olunublar.
Hazırda yanğın söndürmə işləri aparılır.
Faktla bağlı araşdırma aparılır.
