Rusiyanın Smolensk vilayətinin Boltutino kəndində 44 yaşlı qadın yanğın zamanı 2 nəvəsi ilə birgə diri-diri yanıb.
Yanğınsöndürənlər yanğını söndürərkən bir qadın, həmçinin beş və bir yaşlı uşaq tapıblar. Onları xilas etmək mümkün olmayıb. Oğlanların 21 yaşlı anası xəsarətlərlə xəstəxanaya çatdırılıb.
Yanğın sahəsinin 112 kvadratmetr olduğu qeyd edilir. Yanğının söndürülməsinə 9 mütəxəssis və iki xüsusi texnika cəlb olunub. İlkin məlumata görə, faciəyə naqillərdə yaranan qısaqapanma səbəb olub./Lent.az
