Sadəcə yağışa görə xəstələnmək mümkün deyil, çünki yağış virus daşımır. Xüsusilə payız-qış aylarında daha çox rast gəlinən xəstəliklərin səbəbi yağışlı havalarda insanların daha sıx mühitlərə üstünlük verməsidir.
İndex.az xəbər verir ki, soyuqdəymə və viruslar quru və havasız mühitlərdə daha çox inkişaf edir və yayılır. İnsanlarla təmasda olduğunuz üçün virusları cəlb edə və xəstələnə bilərsiniz.
Yağış sizi belə xəstələndirir, əgər siz çox soyuğa məruz qalırsınızsa, bədən istiliyiniz düşür və buna görə də immunitet sisteminiz zəifləyir. Siz həm yaşsınızsa, həm də tərlisinizsə və bu zaman bədən nəmin buxarlanması üçün istilik itirir.
İmmunitet sistemi zəiflədikdə, xüsusilə soyuq havalarda yayılan viruslar asanlıqla gəlib sizi tapa bilər. İmmunitet sisteminin azalması burnunuza da təsir edir. Üşüdükdə burnunuzdakı qan damarları daralır ki, bu da ağ qan hüceyrələrinin selikli qişaya çatmasına və mikroblarla mübarizə aparmasına mane olur.
Sırf qış gəldi deyə xəstələnmək istəmirsinizsə və yağışın dadını çıxarmaq niyyətindəsinizsə, bunlara diqqət yetirərək həm xoş, həm də sağlam günlər keçirə bilərsiniz.
1.Hava proqnozunu yoxlayın və ona uyğun paltar seçin.
2.Nəfəs alan, suya davamlı paltar seçin. Pambıq paltarlar suyu udduğundan və sizə yapışdığından, açıq hava paltarlarınızı buna uyğun seçin.
3.Yaş saçlar sizi üşüdə bilər. Ona görə də ya başınızı örtün, ya da çətirdən istifadə edin.
4.Yaş paltarda oturmayın və paltarınızı dəyişdirin.
5.Üşüdüyünüz zaman isti içkilərə müraciət edin.
6.Mümkünsə xəstə insanlardan uzaq durun və sağlamlığınızın qeydinə qalın.
