Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyevin doğum günü münasibətilə AMEA-nın Mərkəzi Elmi Kitabxanası (MEK) fondlarındakı nəşrlərdən ibarət virtual sərgi hazırlayıb.
Sərgidə təqdim edilmiş Azərbaycan və xarici dillərdə “Böyük Qayıdış: Post müharibə dövründə siyasət və etika məsələləri”, “Heydər Əliyev – İlham Əliyev: müasir Azərbaycanın liderlik fəlsəfəsi və dövlətçilik təcrübəsi”, “İlham Əliyevin ekoloji siyasəti. Dayanıqlı inkişaf və yaşıl dünya (2003-2023)” 3 cilddə, “Siyasi varisliyin uğur formulu”, “Yeni Azərbaycan Partiyası: Heydər Əliyev Dühası və Siyasi Varislik”, “Əliyev, İlham Heydər oğlu. İnkişaf-məqsədimizdir: çıxışlar, nitqlər, bəyanatlar, müsahibələr, məktublar, məruzələr, müraciətlər, fərmanlar”, “Azərbaycan ədəbiyyatında vətən və dövlətçilik məfkurəsinin intibahı: Heydər Əliyevdən – İlham Əliyevə” və digər nəşrlərdə dahi və müdrik ölkə başçısının misli görünməmiş zəfərləri və bu zəfərlərin səbəbləri şərh olunub, müasir Azərbaycanı güclü dövlətə çevirən ideyaları, modernləşmə xəttində azərbaycançılığa siyasi-sosioloji baxışı, postmüharibə dövrünün milli prioritetləri öz əksini tapıb.
Bundan əlavə, virtual sərgidə Azərbaycan Respublikasının Prezidenti cənab İlham Əliyevin həyat və fəaliyyəti, fotoları, çıxışları, haqqında deyilən dəyərli fikirlər də yer alıb.
İctimaiyyətlə əlaqələr şöbəsi
