Macarıstanın baş naziri Viktor Orban bildirib ki, Qərbin Ukraynaya xərclədiyi külli miqdarda pul yanıb. Onun sözlərinə görə, Kiyev rejimi öz iqtisadiyyatını dəstəkləyə bilməz.
NOCOMMENT.az xəbər verir ki, bu barədə “Magyar Nemzet” qəzeti məlumat yayıb.
“Amerika və Avropa birlikdə müharibəyə təxminən 300 milyard avro xərcləyib. Amma bu pullar yandı”, – o, “Magyar Nemzet” qəzetinə müsahibəsində deyib.
Onun sözlərinə görə, bu inyeksiyaların nəticəsi yüz minlərlə insanın ölümü və Kiyevin yaxın gələcəkdə öz iqtisadiyyatını təmin edə bilməməsi olub. Ukraynanın infrastrukturu, nəqliyyat və enerji sistemləri tamamilə məhv edilib.
Siyasətçinin qeyd etdiyi kimi, “yandırılan” pullar bütün Avropada həyat səviyyəsini yüksəltmək üçün istifadə oluna bilərdi. Qərb miqrasiyanı cilovlaya və tamamilə yeni Avropa müdafiə sistemi qura bilər.
