“Valensiya” ispan mütəxəssis Ruben Baraxanın istefası ilə “yarasalar”ın sükanı arxasına yeni baş məşqçinin təyin edildiyini açıqlayıb.
Arena.az İspaniya klubunun rəsmi saytına istinadən məlumat verir ki, “yarasalar”ı bundan sonra ispan mütəxəssis Karlos Korberan çalışdıracaq.
Korberanla müddəti 2027-ci ilin iyun ayının sonuna qədər qüvvədə olacaq müqavilə imzalanıb.
Korberan 2022-ci ilin oktyabrından İngiltərə Çempionşipində “Vest Bromviç”i çalışdırırdı.
Bildirilir ki, Korberanın “Vest Bromviç”dən ayrılması üçün “yarasalar”ın rəhbərliyi ispan mütəxəssisin İngiltərə klubu ilə müqaviləsində xüsusi maddəni fəallaşdırıb.
41 yaşlı Korberan məşqçilik fəaliyyətinə 2013/2014-cü illər mövsümndə başlayıb. Korberan “Alkorkon”, “Doksa”, “Ermis”, “Lids” (U-23 komandası), “Haddersfild Taun”, “Olimpiakos” (Pirey) komandalarını çalışdırıb.
İspaniya La Liqasının 17 oyunundan 12 xalla “Valensiya” yarış cədvəlinin sonuncu, 20-ci pilləsində qərarlaşıb. Qolu-qanadı qırılmış “yarasalar”a Sequndaya yuvarlanmaq təhlükəsi ilə üz-üzədirlər.
Rəhbərlik Karlos Korberanın qarşısında “Valensiya”nı La Liqada saxlamaq kimi çox çətin tapşırıq qoyub.
