Ərdoğan: "Hələbdə baş konsulluq açılacaq"

O bu barədə parlamentdə Ədalət və İnkişaf Partiyasının nümayəndələri qarşısında çıxışı zamanı danışıb.

"Hələb, Dəməşq, Həma, Hüms, Dəra və Mənbicdə azad Suriya bayrağı ilə aypara və ulduzlu bayrağımızı yanaşı görmək bizim üçün böyük xoşbəxtlikdir", - Ərdoğan həmçinin vurğulayıb.

Türkiyə Prezidenti, eyni zamanda, Suriyanın şimalındakı separatçı kürd qruplaşmalarına da xəbərdarlıq ünvanlayıb:

"Kürd qardaşlarımız ilə aramızda qan divarı hörməyə çalışan terror təşkilatını aradan qaldıracağıq. Terror təşkilatının öz hesabı varsa, bizim də hesabımız var. Yeganə məqsədimiz Suriyadan başlayaraq regionun hər qarışında möhkəm sülh, əmin-amanlıq və sabitlik qurmaqdır", - o deyib.

Firudin Həmidli
AzVision.az