Yəməndə İranın dəstəklədiyi husilər İsrailin Yaffa şəhərindəki hərbi hədəfi səsdən sürətli raketlə vurublar.
Reyting.az-ın məlumatına görə, bunu husilərin hərbi sözçüsü Yəhya Seri televiziya kanalına açıqlamasında deyib.
Y. Seri bildirib ki, hədəfi “Fələstin 2” adlandırdıqları səsdən sürətli raketlə vurublar və əməliyyat müvəffəqiyyətlə tamamlanıb.
Fələstin müqavimətinə dəstək olaraq İsrailə qarşı hücumlarının dayanmayacağını təkrarlayan Seri əlavə edib ki, Qəzzaya hücumlar dayandırılana və blokada qaldırılana qədər bunu davam etdirəcəklər.
İsrail dövlət televiziyası KAN mövzu ilə bağlı xəbərində Yəməndən atılan raket səbəbiylə Tel-Əvivdəki sığınacaqlara sürətlə girməyə çalışarkən 9 nəfərin yaralandığını bildirib.
ELÇİN
