Bnakların kredit portfelinin artımı cari ilin noyabr ayında da davam etmişdir. Hesabat ayında bankların kredit portfeli 1.1% və ya 287.6 milyon manat artaraq 27 milyard 368.1 milyon manat olmuşdur.
Marja.az xəbər verir ki, bu, 2024-cü ilin noyabr ayı üzrə Mərkəzi Bankın saytında yerləşdirilmiş Statistik Bülletendə bildirilir.
Kredit portfelinin strukturu aşağıdakı şəkildədir:
ı) biznes kreditləri – 53.9% (14 milyard 746.7 milyon manat);
ıı) istehlak kreditləri – 30.8% (8 milyard 422.9 milyon manat)
ııı) ipoteka kreditləri – 15.3% (4 milyard 198.6 milyon manat).
Cəmi kredit portfelində (BOKT-lər və kredit ittifaqları daxil olmaqla) vaxtı keçmiş kreditlərin payı əvvəlki ilin müvafiq dövrünə nəzərən 0.2 faiz bəndi azalaraq 1.7% təşkil etmişdir.
