"Arsenal" PSJ-nin futbolçusu Randal Kolo Muani ilə maraqlanır.
QOL.az xəbər verir ki, bu barədə "The Standart" nəşri məlumat yayıb.
London klubu transferi qışda reallaşdırmaq niyyətindədir. Buna səbəb "topçular"ın iki vingeri - Bukayo Saka və Rahim Sterlinqin zədələnməsidir.
Daha öncə mətbuatda "Liverpul" və "Mançester Yunayted"in də 26 yaşlı fransalı hücumçu ilə maraqlandıqları bildirilmişdi.
Qeyd edək ki, Randal Kolo Muani bu mövsüm PSJ-nin heyətində 14 oyuna çıxıb, 2 qol vurub və 1 qolun ötürməsini edib.
