“Şamaxı”nın almaniyalı hücumçusu Leroy Mikels “Qarabağ”la oyunda xarüqələr yaradırdı.
Adam bir anlıq fikirləşirdi ki, “Şamaxı”nın heyətində belə oynayırsa, gör, “Qarabağ”ın formasını geyinsə, nələr edər.
Texnikası, uzaqdan zərbələri, ötürmələri, bir sözlə, ağıllı oyunu ilə diqqət çəkən “20 nömrə” bölgə təmsilçisinin açar üzvüdür.
Elə bu səbəbdən cari mövsümdə ölkəmizə gəlmiş yerlilərin arasında ən yaxşısı hesab olunur.
Bəs Mikels özü “Qarabağ”da oynamağı arzu edirmi? Ümumiyyətlə, bu komandada usta futbolçuların yanında indiki qədər parlaq görünə bilər?
Öz dilindən eşidək:
“Gizlətmirəm, “Qarabağ”ın oyununu görəndə özümü orada təsəvvür edə bilirəm.
Çünki mən də topla oynamağı sevirəm. Bu komandanın oyun stili mənə uyğundur.
İstənilən halda “Şamaxı”nın futbolçusuyam və bütün diqqətim öz komandamın yanındadır”.
Leroy Mikels “Şamaxı”nın heyətində meydana çıxdığı 16 oyunda 4 qol və 3 assistlə yadda qalıb.
HƏBİB / SPORTİNFO.AZ
