İtaliya futbolunun əfsanəsi Canluici Buffon “Yuventus”un braziliyaəsilli italiyalı baş məşqçisi Tyaqo Mottaya etimadını nümayiş etdirib.
Arena.az jurnalist Nikolo Skiraya istinadən məlumat verir ki, keçmiş qapıçı Mottanı “byankoneri”nin sabiq baş məşqçisi, italyan mütəxəssis Massimiliano Alleqri ilə müqayisə edənləri də tənqid edib:
“Mənim, Tyaqo Mottaya böyük hörmətim var, onun qurduğuna isə tam əminəm. Bir axına bunca dərindən baş vurduğunuz zaman sizə vaxt gərəkdir. Motta vasvası məşqçidir, müəyyən səviyyədə işləməyə hazırlanmış və öyrəşmişdir. Onu Alleqri ilə müqayisə etməyə son verin. Bu, tamamilə yersizdir. Biri çox qənimətlər qazanıb, Tyaqo isə yeni başlayır: onları müqayisə edənlər “Yuventus”un ətrafını bezdirmək arzusunu əllərində rəhbər tuturlar”, deyə Buffon qeyzlə vurğulayıb.
Xatırladaq ki, Tyaqo Motta “Yuventus”u 2024-cü ilin iyul ayından çalışdırır. Mottanın “qoca sinyora” ilə müqaviləsinin müddəti 2027-ci ilin iyun ayının sonuna qədər qüvvədədir.
Bu müddətdə Motta “byankoneri”ni 24 oyuna çıxarıb, 11 qələbə, 12 heç-heçə və 1 məğlubiyyət yaşayıb. Komandanın top fərqi isə 41:18 nisbətindədir.
İtaliya A Seriyasının cari mövsümündə Tyaqo Mottanın “Yuventus”u məğlubiyyət tanımayan yeganə komanda olsa da, “byankoneri” 17 oyundan 31 xalla yarış cədvəlinin 6-cı pilləsində qərarlaşıb.
