Səhər və ya günorta bir fincan qəhvə və çay istehlakı ağız, boğaz, baş və boyun xərçəngi riskini aşağı salır.
Sfera.az bildirir ki, bu barədə araşdırma “Cancer” jurnalında dərc olunub.
Belə ki, baş və boyun xərçəngi dünyada ən çox görülən yeddinci xərçəng xəstəliyi növüdür, yalnız 2020-ci ildə təxminən 745,000 yeni hadisə və 364,000 ölüm qeydə alınıb.
Tədqiqat aparmaq üçün tədqiqatçılar baş və boyun xərçəngi olan 9500-dən çox insanı və 16000-ə yaxın sağlam insanı əhatə edən əvvəlki 14 tədqiqatın məlumatlarını birləşdiriblər.
Onlar aşkar ediblər ki, gündə dörd fincandan çox qəhvə içən insanlarda, qəhvə içməyənlərlə müqayisədə baş və boyun xərçənginə tutulma riski 17%, ağız xərçənginə tutulma riski 30%, boğaz xərçənginə tutulma riski %22 azalır.
Alimlər həmçinin müəyyən ediblər ki, gündə üç-dörd fincan qəhvə içmək qırtlaq xərçənginə tutulma riskini 41% azaldır. Çay içmək bu növ xərçəngə tutulma ehtimalını 29% azaldır. Kofeinsiz qəhvə içmək isə ağız xərçəngi riskini 25% azaldır. Tədqiqatçıların sözlərinə görə, gündə bir və ya daha az stəkan çay içməyin baş və boyun xərçəngi riskini ümumilikdə 9% azaldır. Bununla belə, gündə 1 stəkandan çox çay içmək isə boğaz xərçəngi riskini 38% artırır.Artımın səbəbi çayın onu içənlərdə turşu reflüksünü təşviq etməsi ilə əlaqələndirilib. Reflüksün daha yüksək boğaz xərçəngi riski ilə əlaqəli olduğu da sübut edilib.
Firuzə Əliyeva
