“Nikol Paşinyan bilirdi ki, Ermənistanın eks-prezidentləri onunla debata razı olmayacaqlar”.
Reyting.az xəbər verir ki, bunu Ermənistan Respublika Partiyasının üzvü, müxalifətçi deputat Hayk Mamicanyan deyib.
Onun sözlərinə görə, Ermənistanın baş naziri Paşinyan bilərəkdən bu “şounun” təşəbbüskarı olub. Mamicanyanın fikrincə, vətəndaşların diqqətini yayındırmağa hesablanmış “şou” hələ bir neçə ay davam edəcək.
Mamicanyan Paşinyanın Ermənistanın 30 ildir ki, Qarabağın Azərbaycana verilməsi ilə bağlı danışıqlar apardığı barədə sözlərini xatırladıb. “O zaman Ermənistanın üç keçmiş prezidenti, habelə Rusiya, ABŞ və Fransa prezidentləri və onların nümayəndələri bu müddət ərzində nədən danışırdılar? Azərbaycanı Qarabağı almağa inandırdılar, amma Azərbaycan buna razı olmadı və Paşinyanın Ermənistanda hakimiyyətə gəlməsini gözlədi?”, - deyə deputat Paşinyanı ələ salıb.
Mamicanyan Ermənistanın birinci prezidenti Levon Ter-Petrosyanın təklifini təkrarlayaraq, Ermənistanın baş nazirini danışıqların aparıldığı bütün sənədlərin məxfiliyini ləğv etməyə çağırıb.
E. KAMAL
