"Apple" axtarış sistemi yaratmaq niyyətində deyil.
Redaktor.az xəbər verir ki, bu barədə şirkətin xidmətlər üzrə baş vitse-prezidenti Eddi Kyu bildirib.
Vaşinqtonda açılan məhkəmədə Kyu qərarın bir neçə səbəbini sadalayıb. O deyib ki, axtarış sisteminin yaradılması resursları digər prioritetlərdən yayındırmaqla milyardlarla dollara başa gələcək və illər çəkəcək:
"Süni intellektin axtarış biznesinin sürətli inkişafı isə çox risklidir. Bundan başqa, "Apple" onun məxfilik siyasətinə zidd olan hədəfli reklamlara etibar etməli olacaq. Belə bir layihə üçün təcrübə və infrastruktur tələb olunur".
Kyunun bəyanatı ABŞ Ədliyyə Nazirliyinin "Google"a qarşı antiinhisar iddiasında "Apple"ın müdafiəsinin bir hissəsi olub. Məhkəmə "Google"un "Safari"nin axtarış sistemini defolt olaraq saxlamağa razılığının qanunsuz olduğuna qərar verib.
Sevinc İBRAHİMZADƏ
