İsrailin El Al milli aviaşirkəti Azərbaycan təyyarəsinin qəzaya uğramasından sonra Rusiyaya uçuşları dayandırıb.
Bakupost.az xəbər verir ki, bu barədə "Meduza" məlumat yayıb.
Qeyd olunur ki, reyslər “Rusiyanın hava məkanında baş verən hadisələrlə bağlı” bir həftəlik dayandırılıb.
İsrailin "9-cu kanalı"nın verdiyi məlumata görə, "gələn həftə vəziyyət yenidən qiymətləndiriləcək və uçuşların bərpa edilməsi barədə qərar qəbul olunacaq".
Xatırladaq ki, dünən Azərbaycan Hava Yollarına (AZAL) məxsus sərnişin təyyarəsi Qazaxıstanda qəzaya uğrayıb. Bakıdan Qroznıya uçan təyyarədə olan 67 nəfərdən 38-i həlak olub. Təyyarə Qroznı ərazisində hava hücumundan müdafiə raketi ilə vurulub. Təyyarənin qəza səbəbi hələ rəsmi şəkildə açıqlanmayıb.
Zaur, BakuPost
