AZAL-ın təyyarəsində oksigen balonunun partlaması barədə məlumat Rostov aviaşirkətinin uçuş direktorundan saat 10.53-də daxil olub.
"Unikal" xəbər verir ki, bu barədə Qazaxıstan Respublikasının Nəqliyyat Nazirliyi açıqlayıb.
"Rostov Aviaşirkətinin reys direktoru "Aktau Tower"in uçuş direktoruna sərnişin salonunda oksigen balonunun partlaması, sərnişinlərin huşunu itirməsi və gəliş zamanı reanimasiya tələbi ilə bağlı əlavə məlumat verib. Bu məlumat əsasında dərhal bütün xilasetmə xidmətlərinə məlumat verilib", - məlumatda deyilir.
Qeyd edək ki, təyyarənin sağ qalan ekipaj heyəti bu gün yerli KİV-ə verdiyi açıqlamada oksigen balonunun partlaması barədə məlumatları təkzib ediblər.
Ağarza Elçinoğlu
