2023-cü ildə qlobal avtomobil istehsalı 93,5 milyon ədədə çatıb. Avtomobil istehsalı pandemiyadan əvvəlki dövrlə müqayisədə 2 faiz, 2022-ci ilə nisbətən isə 17 faiz artıb. Beynəlxalq Avtomobil İstehsalçıları Təşkilatı 2023-cü ildə ən çox avtomobil istehsal edən ölkələri müəyyən edib.
Çin ümumi istehsalda 32,2 faiz payla birinci yerdədir. Çinin ümumi avtomobil istehsalı 30 160 966 ədəd olub. ABŞ avtomobil istehsalında ikinci yerdədir. ABŞ-ın ümumi istehsalda 11,3 faiz payı olduğu halda, ümumi avtomobil istehsalı 10 milyon 611 min 555 ədəd olub.
Yaponiya siyahıda üçüncü yerdə qərarlaşıb. Qlobal istehsalda 9,6 faiz paya sahib olan Yaponiya 8 milyon 997 min 440 ədəd avtomobil istehsal edib.
İlk onluğu sizə təqdim edirik:
Çin – 30 160 966
ABŞ – 10 611 555
Yaponiya – 8 997 440
Hindistan – 5 851 507
Cənubi Koreya – 4 243 597
Almaniya – 4 109 371
Meksika – 4 002 047
İspaniya – 2 451 221
Braziliya – 2 324 838
Tayland – 1 841 663
Mehin Mehmanqız
