Türkiyə xarici işlər naziri 8 dekabr 2023-cü il tarixində ABŞ-yə səfər edəcək.
SİA-nın əldə etdiyi məlumata görə, bu barədə Türkiyə Xarici İşlər Nazirliyindən bildirilib.
Qeyd olunub ki, səfər Qəzza ilə bağlı Təmas qrupunun (Türkiyə, Fələstin, Səudiyyə Ərəbistanı, İndoneziya, Misir, İordaniya, Qətər və Nigeriya - red. ) fəaliyyəti çərçivəsində baş tutacaq.
Səfər zamanı Vaşinqtonda ABŞ rəsmiləri ilə Qəzzada baş verənlərə dair danışıqlar aparılacaq.
