Roma Papası Fransisk azərbaycanlı və erməni hərbi əsirlərin azad edilməsini alqışlayıb, Azərbaycan və Ermənistan liderlərini sülh sazişi bağlamağa çağırıb.
Yeniavaz.com xəbər verir ki, bunu o, Vatikanın Müqəddəs Pyotr meydanında bazar günü xütbəsinin sonunda deyib.
“Mən xeyli sayda erməni və azərbaycanlı əsirlərin azad edilməsindən məmnun qaldım. Mən Ermənistanla Azərbaycan arasında münasibətlərə, Cənubi Qafqazda sülhə nail olmaq üçün bu müsbət əlamətə böyük ümidlə baxıram və tərəfləri və liderləri mümkün qədər tez sülh müqaviləsi bağlamağa dəvət edirəm”, - pontifik bildirib.
Qeyd edək ki, Papa Fransisk noyabrın sonunda ağciyər infeksiyası keçirdikdən sonra ilk dəfə Apostol Sarayının eyvanından inanclılara şəxsən müraciət edib.